Marketinq kommunikasiyalarının idarə edilməsi

Fənnin təsviri

Bu fənn tələbələrə brendin hədəf auditoriyası ilə effektiv əlaqə qurması, bazar mövqeyinin gücləndirilməsi və inteqrasiya olunmuş marketinq kommunikasiyaları (IMC) strategiyalarının planlaşdırılması və idarə edilməsi bacarıqlarını aşılamaq üçün nəzərdə tutulmuşdur. Kurs çərçivəsində reklam, PR (ictimaiyyətlə əlaqələr), satışın həvəsləndirilməsi, birbaşa marketinq və rəqəmsal kommunikasiya kanallarının vahid strategiyada birləşdirilməsi prinsipləri tədris olunur. Tələbələr kommunikasiya büdcəsinin bölüşdürülməsi, media planlaması, brend mesajlarının formalaşdırılması, istehlakçı psixologiyasına təsir mexanizmləri və media kanallarının effektivliyinin (ROI) qiymətləndirilməsini mənimsəyəcəklər. Fənn tələbələrdə həm ənənəvi, həm də rəqəmsal platformalarda (SMM, məzmun marketinqi, influencer marketinq) təsirli kommunikasiya kampaniyaları hazırlamaq və idarə etmək vərdişlərini formalaşdırır.

Fənn təlim nəticələri

1. 1

   CLO 1: İnteqrasiya olunmuş Marketinq Kommunikasiyaları (İMK) çərçivəsində reklam, PR, birbaşa marketinq və satışın həvəsləndirilməsi alətlərini əlaqələndirir.

2. 2

   CLO 2: Brendin mesajını və dəyər təklifini (value proposition) hədəf auditoriyasına çatdırmaq üçün multichannel və omnichannel kommunikasiya strategiyası hazırlayır.

3. 3

   CLO 3: Rəqəmsal və sosial media kanallarında (SMM, Content Marketing, Influencer Marketing) məzmun planlaşdırılması və kampaniya idarəetməsini həyata keçirir.

4. 4

   CLO 4: Marketinq kommunikasiyası büdcəsini optimal bölüşdürür və media planlaşdırma göstəricilərini (Reach, Frequency, CPM, CTR) hesablayır.

5. 5

   CLO 5: Kommunikasiya kampaniyalarının effektivliyini, brend fərqindəliyini və ROI (xərclərin qaytarılması) göstəricilərini ölçərək analitik hesabatlar tərtib edir.