Radar texnologiyaları və görüntü emalıTopics

Radar sistemlərinin təyinatı, quruluşu və iş prinsipi, elektromaqnit dalğalarının göndərilməsi və əks olunan siqnalların qəbulu prosesi, həmçinin əsas radar parametrləri öyrənilir.

Fazalı anten qəfəslərinin quruluşu, elementlər arasında faza fərqinin idarə edilməsi və elektron şüa istiqamətləndirməsinin prinsipləri tədqiq edilir.

Radar siqnallarının formalaşdırılması, modulyasiya üsulları, impuls və fasiləsiz dalğalı siqnallar, həmçinin qəbul edilmiş siqnalların ilkin emal üsulları araşdırılır.

Sar texnologiyasının iş prinsipi, platformanın hərəkətindən istifadə etməklə yüksək ayırdetmə qabiliyyətli radar təsvirlərinin formalaşdırılması və məlumatların emalı üsulları öyrənilir.

Doppler effektinin radar sistemlərində tətbiqi, hədəfin radial sürətinin müəyyən edilməsi və doppler tezlik sürüşməsinin ölçülməsi üsulları öyrənilir.

Atmosfer, yer səthi və müxtəlif obyektlərin hava və kosmik platformalardan radar vasitəsilə müşahidəsi, sistemlərin quruluşu və tətbiq sahələri araşdırılır.

Radar məlumatlarında hədəfin aşkarlanması, koordinatlarının müəyyənləşdirilməsi və hərəkət trayektoriyasının izlənməsi üçün istifadə olunan əsas alqoritmlər öyrənilir.

Rəqəmsal görüntülərin təsviri, piksel və təsvir ölçüləri, kontrast, parlaqlıq, histogram və əsas görüntü emalı əməliyyatları öyrənilir.

Radar siqnallarında səs-küyün yaranma səbəbləri, siqnal-küy nisbəti və filtrasiya, korrelyasiya və digər səs-küy azaltma üsulları araşdırılır.

Radar və rəqəmsal görüntülərdə səs-küyün azaldılması, bulanıqlığın aradan qaldırılması, kənarların vurğulanması və kontrastın yaxşılaşdırılması üsulları tədqiq edilir.

Radar məlumatlarından görüntünün yaradılması, məsafə və istiqamət məlumatlarının təsvirə çevrilməsi, görüntünün ayırdetmə qabiliyyətinə təsir edən amillər öyrənilir.

Radar və rəqəmsal görüntülərdə obyektlərin aşkarlanması, xarakterik əlamətlərin müəyyənləşdirilməsi və obyektlərin müxtəlif siniflərə ayrılması metodları öyrənilir.

Maşın öyrənməsi, dərin öyrənmə və neyron şəbəkələrin radar məlumatlarının emalı, obyektlərin aşkarlanması, tanınması və təsnifatında tətbiqi araşdırılır.

Radar texnologiyalarının hava nəqliyyatı, meteorologiya, dənizçilik, avtomobil nəqliyyatı, müşahidə və digər mülki sahələrdə, həmçinin müdafiə sistemlərində tətbiqi və müasir inkişaf tendensiyaları nəzərdən keçirilir.

Avtomobil radarlarının iş prinsipi, məsafə və sürətin ölçülməsi, hədəflərin aşkarlanması və sürücüyə yardım sistemlərində radar texnologiyalarının istifadəsi öyrənilir.