Fənn · Maşın mühəndisliyi (master)
RPİ dəzgahlarında emal texnologiyaları və proqramlaşdırma
Fənn haqqında
Kredit
6
İş yükü
180saat
Semestr
Payız
Tədris ili
2025-2026
Fənnin təsviri
RPİ dəzgahlarında emal texnologiyaları və proqramlaşdırma” fənni magistratura səviyyəsində təhsil alan tələbələrə rəqəmsal proqramla idarə olunan dəzgahların quruluşu, iş prinsipi, texnoloji imkanları və proqramlaşdırma əsaslarını öyrətmək məqsədi daşıyır. Kursun proqramı çərçivəsində torna və frez tipli RPİ dəzgahlarında koordinat sistemlərinin və sıfır nöqtələrinin təyini, G və M kodları əsasında idarəetmə proqramlarının strukturu və tətbiqi ətraflı şəkildə əhatə olunur. Tədris müddətində magistrantlar mürəkkəb formalı hissələrin kontur emalı, kəsmə rejimlərinin optimallaşdırılması, alətlərin korreksiyası və CAM proqram təminatında emal trayektoriyalarının qurulması üzrə praktiki bacarıqlara yiyələnirlər. Bu fənni öyrənməzdən əvvəl tələbələrin maşınqayırma texnologiyasının əsasları, kəsmə alətlərinin parametrləri və CAD/CAM sistemlərindən istifadə üzrə ilkin biliklərə malik olması zəruridir. CAD/CAM/CAE sistemləri, süni intellekt metodları və texnoloji proseslərin optimallaşdırılması kimi fənlərlə sıx bağlı olan bu kurs, tələbələrin rəqəmsal istehsalat mühitində idarəetmə proqramlarını simulyasiya şəraitində yoxlamaq, verifikasiya etmək və əsaslandırılmış texnoloji qərarlar qəbul etmək vərdişlərini formalaşdırır.
Fənn təlim nəticələri
Təlim nəticəsi əlavə edilməyib.