İnformasiya təhlükəsizliyinin menecmenti sistemləri

Fənnin təsviri

İnformasiya təhlükəsizliyinin menecmenti sistemləri fənni informasiya aktivlərinin qorunması, informasiya təhlükəsizliyi risklərinin idarə edilməsi və təşkilatlarda informasiya təhlükəsizliyinin sistemli şəkildə təmin olunmasının əsas prinsiplərini öyrənir. Fənn çərçivəsində informasiya təhlükəsizliyi idarəetmə sisteminin (İTİMS) qurulması, təhlükəsizlik siyasətlərinin hazırlanması, risklərin qiymətləndirilməsi və idarə edilməsi, informasiya aktivlərinin təsnifləşdirilməsi, girişə nəzarət, insidentlərin idarə edilməsi, biznesin davamlılığı, təhlükəsizlik auditləri və monitorinq mexanizmləri nəzərdən keçirilir. Həmçinin ISO/IEC 27001 və əlaqəli standartların tələbləri, təhlükəsizlik tədbirlərinin seçilməsi və tətbiqi, uyğunluğun qiymətləndirilməsi və davamlı təkmilləşdirmə prosesləri öyrənilir.

Fənn təlim nəticələri

1. 1

   CLO 1: İnformasiya təhlükəsizliyi menecmenti sistemlərinin (ISMS) əsas prinsiplərini, elementlərini və beynəlxalq standartların (ISO/IEC 27001, NIST, COBIT və s.) tətbiq sahələrini fərqləndirə və məqsədyönlü şəkildə tətbiq edə bilir

2. 2

   CLO 2: Təşkilatın kiberrisklərini müəyyənləşdirir, qiymətləndirir və onların azaldılması üçün uyğun idarəetmə və texniki tədbirləri seçə bilir;

3. 3

   CLO 3: İnformasiya təhlükəsizliyi siyasətləri, prosedurları və nəzarət mexanizmləri hazırlamaq və tətbiq etmək bacarığına malikdir;

4. 4

   CLO 4: Təhlükəsizlik insidentlərini müəyyənləşdirir, cavab planları (IRP) və biznesin davamlılığı planlarını (BCP/DRP) tərtib edə bilir;

5. 5

   CLO 5: Audit və uyğunluq proseslərinin planlaşdırılmasını, sübutların toplanmasını və hesabatların hazırlanmasını həyata keçirə bilir;

6. 6

   CLO 6: Komanda şəklində və ya müstəqil şəkildə kibertəhlükəsizlik idarəetmə layihələrini planlaşdırmaq, həyata keçirmək və nəticələri analiz etmək bacarığına malikdir.