Biznes analitikasında optimallaşdırma metodları

Fənnin təsviri

Bu fənn tələbələrə məhdud resurslar (büdcə, vaxt, işçi qüvvəsi, xammal) şəraitində ən optimal biznes qərarlarının qəbul edilməsi üçün riyazi proqramlaşdırma və optimallaşdırma metodlarının tətbiqi bacarıqlarını aşılamaq üçün nəzərdə tutulmuşdur. Kurs çərçivəsində xətti və qeyri-xətti proqramlaşdırma (Linear and Non-linear Programming), tamədədli (Integer) proqramlaşdırma, şəbəkə modelləri, nəqliyyat və mənimsətmə məsələləri, eləcə də mənfəətin maksimumlaşdırılması və xərclərin minimumlaşdırılması prinsipləri tədris olunur. Tələbələr müasir analitik alətlər və həll edicilər (Excel Solver, Python/SciPy, R, GUROBI) vasitəsilə biznes problemlərinin riyazi modellərini qurmağı, həssaslıq təhlilini (Sensitivity Analysis) aparmağı, təchizat zənciri və logistika marşrutlarının, istehsal qrafiklərinin, investisiya portfellərinin və qiymətləndirmə strategiyalarının optimallaşdırılmasını mənimsəyəcəklər. Fənn tələbələrdə mürəkkəb biznes proseslərini riyazi-analitik modellərə çevirmək və optimal idarəetmə qərarları qəbul etmək vərdişlərini formalaşdırır.

Fənn təlim nəticələri

1. 1

   CLO 1: Biznes problemlərini (resurs bölüşdürülməsi, logistika, xərclərin minimallaşdırılması) riyazi optimallaşdırma modelləri şəklində formallaşdırır.

2. 2

   CLO 2: Məhdudiyyətlər daxilində optimal mənfəət və ya minimum xərc nöqtəsini tapmaq üçün Xətti və Taməlli Proqramlaşdırma (Simplex metodu) modellərini tətbiq edir.

3. 3

   CLO 3: Təchizat zənciri və şəbəkə marşrutlanması problemlərini optimallaşdırmaq üçün Qraf nəzəriyyəsi və Şəbəkə analizi metodlarından istifadə edir.

4. 4

   CLO 4: Qeyri-müəyyənlik şəraitində qərarqəbuletmə üçün Qeyri-xətti Proqramlaşdırma, Stoxastik Optimallaşdırma və Monte Karlo simulyasiyalarını tətbiq edir.

5. 5

   CLO 5: Optimallaşdırma nəticələrinin dayanıqlılığını və parametrlərə həssaslığını qiymətləndirmək üçün Həssaslıq Analizi (Sensitivity Analysis) aparır.