Müştəri davranışı və elektron ticarət

Fənnin təsviri

Bu fənn tələbələrə rəqəmsal mühitdə istehlakçıların qərarqəbuletmə psixologiyasını, onlayn alış-veriş davranışlarını və e-ticarət platformalarında müştəri təcrübəsinin (CX) idarə edilməsi mexanizmlərini öyrətmək üçün nəzərdə tutulmuşdur. Kurs çərçivəsində rəqəmsal istehlakçının motivasiyası, qavrayışı, rəqəmsal etibarın formalaşması amilləri və ənənəvi müştəri davranışı ilə onlayn müştəri davranışı arasındakı konseptual fərqlər tədris olunur. Tələbələr onlayn müştəri səyahətinin (Customer Journey) xəritələndirilməsi, veb-sayt və mobil tətbiqlərdə istifadəçilərin qarşılıqlı təsir analizi, tərk edilmiş səbətlərin (abandoned carts) azaldılması strategiyaları, personalizasiya və rəqəmsal tövsiyə sistemlərinin tətbiqini mənimsəyəcəklər. Fənn e-ticarətdə data analitikası və istehlakçı psixologiyasını inteqrasiya edərək müştəri loyallığını artırmaq, dönüşüm faizlərini (conversion rate) yüksəltmək və effektiv rəqəmsal pazarlama strategiyaları qurmaq vərdişlərini formalaşdırır.

Fənn təlim nəticələri

1. 1

   CLO 1: Onlayn mühitdə istehlakçıların qərarqəbuletmə mərhələlərinə psixoloji, sosial və rəqəmsal faktorların təsirini təhlil edir.

2. 2

   CLO 2: Veb-sayt və tətbiqlərdə istifadəçi təcrübəsi (UX/UI), naviqasiya və vizual dizaynın satınalma davranışına və loyallığa təsirini qiymətləndirir.

3. 3

   CLO 3: E-ticarətdə fərdiləşdirilmiş tövsiyə sistemlərinin (recommendation engines), süni intellekt və sosial media təsirlərinin (social commerce) istehlakçı seçiminə təsirini nəzərdən keçirir.

4. 4

   CLO 4: Onlayn müştəri rəyləri, reytinqlər və rəqəmsal nüfuzun istehlakçı inamının formalaşmasındakı rolunu araşdırır və idarəetmə taktikaları hazırlayır.

5. 5

   CLO 5: Rəqəmsal istehlakçı data analitikası vasitəsilə müştəri seqmentlərinin onlayn davranış nümunələrini (clickstream analysis) modelləşdirir.