Qlobal enerji bazarları

Fənnin təsviri

Bu fənn tələbələrə qlobal enerji sektorunun strukturunu, dünya enerji bazarlarının fəaliyyət prinsiplərini və enerji resurslarının (neft, təbii qaz, kömür, nüvə və bərpa olunan enerji) iqtisadi və geostrateji dinamikasını təhlil etmək üçün zəruri olan konseptual əsasları öyrətmək üçün nəzərdə tutulmuşdur. Kurs çərçivəsində qlobal enerji tələb və təklifinin formalaşması, enerjinin qiymət əmələgəlmə mexanizmləri, birja ticarəti (fiziki və törəmə bazarlar) və beynəlxalq enerji təşkilatlarının (OPEC, IEA, IRENA və s.) rolu tədris olunur. Tələbələr enerji təhlükəsizliyi, geopolitik risklərin bazarlara təsiri, enerjinin nəqli və təchizat zənciri logistikası, eləcə də qlobal enerji keçidi (Energy Transition) və dekarbonizasiya siyasətlərinin bazar mexanizmlərinə təsirini mənimsəyəcəklər. Fənn tələbələrdə dünya enerji bazarlarındakı trendləri proqnozlaşdırmaq və beynəlxalq enerji layihələri üzrə strateji təhlillər aparmaq bacarıqlarını formalaşdırır.

Fənn təlim nəticələri

1. 1

   CLO 1: Qlobal neft, təbii qaz, bərpa olunan enerji və elektrik enerjisi bazarlarının təklif-tələb dinamikasını və qiymətəmələgəlmə mexanizmlərini təhlil edir.

2. 2

   CLO 2: Geopolitika, OPEC+ qərarları, beynəlxalq sazişlər və iqlim siyasətlərinin qlobal enerji ticarətinə və təchizat zəncirlərinə təsirini qiymətləndirir.

3. 3

   CLO 3: Enerji keçidi (Energy Transition), karbon neqativliyi və yaşıl iqtisadiyyat trendlərinin ənənəvi və alternativ enerji sektorlarına inteqrasiyasını analiz edir.

4. 4

   CLO 4: Enerji törəmə vasitələri (fyuçers, opsion, svop) və enerji ticarəti strategiyaları vasitəsilə qiymət dəyişkənliyi risklərinin hecinq edilməsini araşdırır.

5. 5

   CLO 5: Regional və qlobal enerji layihələrinin iqtisadi səmərəliliyini, investisiya mühitini və dayanıqlılıq göstəricilərini dəyərləndirir.