Strateji idarəetmə

Fənnin təsviri

Bu fənn tələbələrə müəssisə və təşkilatların uzunmüddətli məqsədlərinə çatması üçün strateji baxışın formalaşdırılması, strategiyaların hazırlanması, həyata keçirilməsi və qiymətləndirilməsi mexanizmlərini öyrətmək üçün nəzərdə tutulmuşdur. Kurs çərçivəsində təşkilatın daxili və xarici mühitinin kompleks analizi alətləri (SWOT, PESTEL, Porterin 5 Qüvvə Modeli, BCG Matrisi), rəqabət üstünlüyünün davamlılığının təmin edilməsi və resursların strateji bölüşdürülməsi konseptləri tədris olunur. Tələbələr korporativ, biznes və funksional səviyyəli strategiyaların qurulması, strateji dəyişikliklərin və risklərin idarə edilməsi, eləcə də strategiyanın icrasına nəzarət sistemlərini (Balanced Scorecard və KPI-lar) mənimsəyəcəklər. Fənn real biznes kazusları (case-studies) vasitəsilə tələbələrdə dinamik və qeyri-müəyyən bazar şəraitində strateji qərarqəbuletmə və liderlik bacarıqlarını formalaşdırır.

Fənn təlim nəticələri

1. 1

   CLO 1: Təşkilatın missiya, vizyon və dəyərlərinə uyğun olaraq daxili və xarici mühit analizi əsasında strateji diaqnostika həyata keçirir.

2. 2

   CLO 2: Biznes və korporativ səviyyəli strategiyaları (xərclərdə liderlik, diferensiasiya, fokuslanma, diversifikasiya) müqayisə edir və optimal variantı seçir.

3. 3

   CLO 3: Strateji xəritə və Balanslaşdırılmış Göstəricilər Sistemini (BSC – Balanced Scorecard) tətbiq edərək uzunmüddətli məqsədləri əməliyyat KPI-larına çevirir.

4. 4

   CLO 4: Riskləri, resurs imkanlarını və bazar dinamikasını nəzərə alaraq strateji alternativaları qiymətləndirir və ssenari planlaması aparır.

5. 5

   CLO 5: Strategiyanın icra mexanizmlərini, dəyişikliklərin idarə olunması sistemini və strateji nəzarət çərçivəsini layihələndirir.