Magistr proqramı
Beynəlxalq ticarət və logistika
Proqram haqqında
Beynəlxalq ticarət və logistika magistratura proqramı beynəlxalq ticarət əməliyyatlarının təşkili, qlobal təchizat zəncirinin idarə edilməsi, logistika proseslərinin optimallaşdırılması və xarici iqtisadi əlaqələrin inkişafı sahəsində yüksək ixtisaslı mütəxəssislərin hazırlanmasına yönəlmişdir. Proqram çərçivəsində tələbələr beynəlxalq ticarət strategiyaları, gömrük əməliyyatları, nəqliyyat və logistika sistemləri, təchizat zəncirinin idarə edilməsi, beynəlxalq iqtisadi münasibətlər və rəqəmsal logistika üzrə bilik və bacarıqlar əldə edirlər. Məzunların fəaliyyət istiqamətləri: beynəlxalq ticarət şirkətləri, logistika və nəqliyyat müəssisələri, gömrük və xarici iqtisadi fəaliyyət strukturları, təchizat zəncirinin idarə edilməsi, satınalma və beynəlxalq əməliyyatların təşkili.
Dərəcə tələbləri
Proqramın normativ təhsil müddəti ixtisaslaşmadan asılı olaraq 1,5 il (90 AKTS) və ya 2 il (120 AKTS) təşkil edir və təhsil magistrlik dissertasiyasının müdafiəsi və ya yekun layihənin təqdim edilməsi ilə başa çatır. Təhsilini uğurla başa vuran məzunlara “Magistr” ali elmi-ixtisas dərəcəsi verilir. Təhsil proqramının əsas məqsədi beynəlxalq ticarət əməliyyatlarını və logistika proseslərini səmərəli idarə edə bilən, qlobal təchizat zəncirlərini təhlil etmək, mürəkkəb iqtisadi və logistika problemlərini həll etmək, strateji qərarlar qəbul etmək, müasir rəqəmsal texnologiyalardan istifadə etmək və davamlı inkişaf prinsiplərini tətbiq etmək bacarığına malik yüksək ixtisaslı mütəxəssislər hazırlamaqdır. Məzunlar dövlət qurumlarında, beynəlxalq ticarət və logistika şirkətlərində, nəqliyyat və ekspeditor müəssisələrində, gömrük və təchizat zəncirinin idarə edilməsi sahələrində, beynəlxalq təşkilatlarda, elmi-tədqiqat və ali təhsil müəssisələrində fəaliyyət göstərə, həmçinin doktorantura təhsilini davam etdirə bilərlər.
Proqramı araşdırın
Fənn nəticələri
Hər fənn üzrə təlim nəticələri
Səriştə matrisi
Fənlərin səriştələrə töhfəsi