Fənn · Proqram təminatı mühəndisliyi
Proqram mühəndisliyinin əsasları
Fənn haqqında
Kredit
6
İş yükü
180saat
Semestr
Payız
Tədris ili
2026-2027
Fənnin təsviri
Proqram mühəndisliyinin əsasları fənninin təsviri Bu fənn proqram mühəndisliyinin əsas anlayış və prinsiplərini, proqram təminatının həyat dövrü mərhələlərini, keyfiyyət meyarlarını və proqram inkişaf metodologiyalarını əhatə edir. Fənn çərçivəsində proqram təminatına olan tələblərin müəyyənləşdirilməsi, UML diaqramları vasitəsilə sistemlərin modelləşdirilməsi, layihələndirmə sənədlərinin hazırlanması, versiya nəzarət sistemlərindən istifadə, proqram təminatının test edilməsi, risklərin təhlili və proqram layihələrinin planlaşdırılması üzrə bilik və bacarıqlar formalaşdırılır.
Fənn təlim nəticələri
CLO 1: Proqram mühəndisliyinin əsas anlayışlarını, prinsiplərini və proqram təminatının həyat dövrü mərhələlərini izah edir.
CLO 2: Proqram inkişaf metodologiyalarını (Agile, Waterfall və s.) müqayisə edir və verilmiş layihənin xüsusiyyətlərinə uyğun metodologiyanı seçir.
CLO 3: Verilmiş məsələyə uyğun proqram təminatı tələblərini müəyyənləşdirir, təhlil edir və tələblərdəki uyğunsuzluqları və riskləri aşkarlayır.
CLO 4: Sadə proqram layihələri üçün layihələndirmə sənədləri hazırlayır və UML diaqramları vasitəsilə sistemləri modelləşdirir.
CLO 5: Proqram təminatının keyfiyyət meyarlarını və standartlarını qiymətləndirir, proqram kodunun strukturlaşdırılması və oxunaqlılığını təmin edən prinsipləri tətbiq edir.
CLO 6: Versiya nəzarət sistemlərindən (Git və s.) istifadə edir və proqram təminatının test edilməsi üsullarını, o cümlədən vahid və inteqrasiya testlərini tətbiq edir.
CLO 7: Proqram təminatında yaranan problemləri təhlil edir, alternativ proqram həllərini müqayisə edir və optimal həll variantını əsaslandırır.