Sənaye mühəndisliyiSəriştələr

Peşə səriştələri· 59

• COMPETENCY-40694

  Riyazi qayda və qanunları tətbiq etməyi, mövcud üsullardan istifadə etməyi, nəticələrin işlənməsində riyazi metodları tətbiq etməyi, təbiət elmlərində sadə sistem və proseslərin riyazi modellərindən istifadə etməyi, xəta və qeyri-müəyyənlik mənbələrini nəzərə alaraq eksperimental məlumatları tənqidi təhlil etməyi, şərh və təqdim etməyi, həmçinin riyaziyyatın əsas tənliklərinin analitik və ədədi həllərini həyata keçirməyi bacarmaq.

• COMPETENCY-82275

  Fiziki obyekt kimi kainatın və onun təkamülünün, fizikanın və eksperimental tədqiqat metodlarının, təbiətdə fasiləsizlik və diskretlik prinsiplərinin, qanunauyğunluqların, obyektlərin quruluşunun ardıcıllığının, təbiət sistemlərini obyektiv xarakterizə edən ehtimal nəzəriyyələrinin, təbiət elmlərində fundamental sabitlərin, simmetriya və enerjinin saxlanması prinsiplərinin, təbii halların və onların zamandan asılı olaraq dəyişməsinin, eləcə də təbiət obyektlərinin fərdi və birgə hərəkətlərinin mühəndislikdə tətbiqinə dair biliklərini nümayiş etdirməyi bacarmaq.

• COMPETENCY-52977

  Əsas kimyəvi sistemlər və proseslər, maddələrin reaksiyaya girmə qabiliyyəti, qeyri-üzvi maddələrin növləri, fiziki və kimyəvi xassələri, atom-molekul nəzəriyyəsi haqqında biliklərdən, eləcə də maddələrin təyini və kimyəvi identifikasiyası metodlarından istifadə etməyi bacarmaq.

• COMPETENCY-49224

  Sənaye müəssisələrində texnoloji proseslərin xüsusiyyətlərini öyrənməyi, onların gedişinə nəzarət etməyi və idarə etməyi bacarmaq.

• COMPETENCY-42356

  Sənaye sahələrində istifadə olunan maşın, qurğu və avadanlıqların iş prinsiplərini, konstruktiv xüsusiyyətlərini və istismar xarakteristikalarını müəyyənləşdirməyi və izah etməyi bacarmaq.

• COMPETENCY-13769

  Müasir hesablama texnikası və proqram təminatından istifadə etməyi bacarmaq.

• COMPETENCY-52294

  Elm və texnikanın nailiyyətlərindən, Azərbaycan və xarici ölkələrin qabaqcıl təcrübəsindən istifadə etməklə, sənaye mühəndisliyinin baza fənləri üzrə elmi-tədqiqat işlərini təhlil etməyi və əldə olunan nəticələri ümumiləşdirməyi bacarmaq.

• COMPETENCY-53051

  İstehsalat prosesini səmərəli təşkil etməyi bacarmaq.

• COMPETENCY-34535

  Fəaliyyətin nəticələrini təhlil etməyi və qiymətləndirməyi bacarmaq.

• COMPETENCY-66724

  Sənaye mühəndisliyi üzrə informasiyanın avtomatik toplanması və emalı üçün müasir üsullardan istifadə etməyi bacarmaq.

• COMPETENCY-46586

  Sənaye sahələrində istifadə olunan maşın və qurğulara qoyulan keyfiyyət, iqtisadi səmərəlilik, məhsuldarlıq və erqonomika tələblərini nəzərə almaqla müəssisənin istehsalat bazasını təkmilləşdirməyi bacarmaq.

• COMPETENCY-49646

  Sənaye sahələrində istifadə olunan maşın və qurğuların quraşdırılması, istismarı, texniki qulluğu və təmiri ilə bağlı işləri planlaşdırmağı və təşkil etməyi bacarmaq.

• COMPETENCY-76113

  Sənayenin müxtəlif sahələrində mövcud problemləri müəyyənləşdirməyi, sistemləşdirməyi və həll yollarını müzakirə etmək məqsədilə elmi-praktik seminarlar təşkil etməyi bacarmaq.

• COMPETENCY-27175

  Fəaliyyətin nəticələrini proqnozlaşdırmaq məqsədilə informasiya-kommunikasiya texnologiyalarının müasir imkan və vasitələrindən istifadə etməyi bacarmaq.

• COMPETENCY-63849

  Qazanılmış bilik, bacarıq və vərdişlərdən istifadə etməklə sənayenin müxtəlif sahələrində kompleks və problem xarakterli məsələləri həll etməyi bacarmaq.

• COMPETENCY-73761

  Kollektivdə həmkarları ilə əməkdaşlıq etməyi və optimal qərarlar qəbul etməyi bacarmaq.

• COMPETENCY-41946

  Müasir riyazi üsullardan istifadə etməklə elm, texnika və idarəetmə sahələrinə aid məsələləri həll etməyi bacarmaq.

• COMPETENCY-68516

  Sənayedə mövcud resurslardan səmərəli istifadə üsullarını tətbiq etməyi, məmulatların istehsalı üçün əsas və köməkçi materialları seçməyi, texnoloji prosesləri həyata keçirməyi, bu proseslərin riyazi modelləşdirilməsi zamanı analitik və ədədi metodları müəyyənləşdirməyi, həmçinin az tullantılı, enerjiyə qənaət edən və ekoloji cəhətdən təmiz texnologiyalar işləyib hazırlamağı bacarmaq.

• COMPETENCY-48041

  Layihənin (proqramın) məqsədlərini və tapşırıqlarını müəyyənləşdirməyi, məqsəd funksiyalarını və məhdudiyyətləri formalaşdırmağı, onların qarşılıqlı əlaqə strukturunu işləyib hazırlamaqda iştirak etməyi, həmçinin peşə fəaliyyətinin hüquqi və mənəvi aspektlərini nəzərə alaraq tapşırıqların həlli üzrə prioritetləri müəyyənləşdirməyi bacarmaq.

• COMPETENCY-24091

  İstehsalın avtomatlaşdırılması və diaqnostikası, məmulatların hazırlanması üzrə texnoloji proseslərin təkmilləşdirilməsi layihələrini işləyib hazırlamaqda iştirak etməyi, texnoloji, istismar, estetik, iqtisadi və idarəetmə parametrlərini nəzərə almağı, müasir informasiya texnologiyaları və hesablama texnikasını tətbiq etməyi, müvafiq vasitələri seçməyi, həmçinin zəruri analiz üsullarından istifadə etməklə istehsal obyektlərinin diaqnostikasını aparmağı bacarmaq.

• COMPETENCY-26535

  Layihə hesablamaları üzrə ilkin texniki-iqtisadi araşdırmaları aparmağı, sistem və vasitələrə aid layihə, işçi və istismar texniki sənədlərini mövcud normativ sənədlər əsasında, o cümlədən elektron formada hazırlamağı, işlənmiş layihələrin və texniki sənədlərin normativ tələblərə uyğunluğuna nəzarət etməyi, həmçinin tamamlanmış layihə-konstruktor işlərini rəsmiləşdirməyi bacarmaq.

• COMPETENCY-51391

  İstehsal texnologiyalarını, sistemlərini və alətlərini praktikada mənimsəməyi və təkmilləşdirməyi, məhsul istehsalı üçün optimal texnologiyaların işlənib hazırlanmasında və tətbiqində iştirak etməyi, materialları, avadanlıqları, alətləri, texnoloji təchizatı, diaqnostika və avtomatlaşdırma vasitələrini seçməyi, texnoloji proseslərin parametrlərini hesablamağı, müvafiq alqoritm və proqramları müəyyənləşdirməyi, həmçinin onların səmərəli istifadəsini təmin edən tədbirləri həyata keçirməyi bacarmaq.

• COMPETENCY-75874

  Müəssisələrin texniki təchizatının və avadanlıqlarının yerləşdirilməsini planlaşdırmağı, avtomatlaşdırma vasitələrinin tətbiqini, idarəetmə, nəzarət və sınaq proseslərini təşkil etməyi, həmçinin materialların, texnoloji proseslərin və hazır məhsulların keyfiyyətinə səmərəli nəzarəti təmin etməyi bacarmaq.

• COMPETENCY-32364

  İstehsal edilən məhsulların əsas keyfiyyət göstəricilərini ölçən vasitələrin metroloji yoxlanılmasında iştirak etməyi, zay məhsulları qiymətləndirməyi, onların yaranma səbəblərini təhlil etməyi, həmçinin zay məhsulların qarşısının alınması və yaranmış uyğunsuzluqların aradan qaldırılması üçün tədbirlər hazırlamağı bacarmaq.

• COMPETENCY-54742

  İstehsalın təşkili və idarə edilməsinin müasir metodlarını mənimsəməyi və tətbiq etməyi, yeni məhsulların istehsalına hazırlıq zamanı texnoloji proseslərin, texnoloji təchizatın, avtomatlaşdırma, idarəetmə, nəzarət və diaqnostika vasitələrinin və sistemlərinin işlənib hazırlanması və tətbiqi ilə bağlı işləri yerinə yetirməyi, istehsal proseslərinin və məhsulların avtomatlaşdırılması və idarə edilməsini təmin etməyi, texnoloji proseslərin, texnoloji təchizat vasitələrinin və sistemlərinin unifikasiyası və standartlaşdırılmasını həyata keçirməyi, həmçinin məhsulların innovativ potensialını qiymətləndirməyi və normativ sənədlərin tələblərinə uyğunluğunu müəyyənləşdirməyi bacarmaq.

• COMPETENCY-60764

  Sənaye işlərinin layihələndirilməsi zamanı insan amilinin nəzərə alınmasının əhəmiyyətini anlamağı və müvafiq tələbləri tətbiq etməyi bacarmaq.

• COMPETENCY-54056

  Əl işlərində erqonomikanı və məhsuldarlığı yaxşılaşdırmaq məqsədilə uyğun əl alətlərini seçməyi bacarmaq.

• COMPETENCY-92173

  Müxtəlif növ materialların (metalların, polimerlərin, keramikaların, kompozitlərin və yarımkeçiricilərin) quruluşu ilə mexaniki xüsusiyyətləri arasındakı əlaqəni müəyyənləşdirməyi bacarmaq.

• COMPETENCY-69435

  Obyektlərin sərbəst cisim diaqramlarını çəkməyi, statik tarazlıq vəziyyətində olan mexaniki sistemlərə təsir edən qüvvələri hesablamağı və tarazlıq təhlilini aparmağı bacarmaq.

• COMPETENCY-58000

  Eksperimentləri planlaşdırmağı və aparmağı, əldə olunan məlumatları təhlil etməyi və şərh etməyi bacarmaq.

• COMPETENCY-46279

  Molekullararası qüvvələri müəyyənləşdirməyi, maddələrin kolliqativ xassələrini təhlil etməyi, qaynama və ərimə temperaturlarını müqayisə etməyi bacarmaq.

• COMPETENCY-45139

  Faza diaqramlarından istifadə etməklə maddələrin qaz, maye, bərk və ya superkritik maye fazasında olmasını proqnozlaşdırmağı bacarmaq.

• COMPETENCY-29748

  İqtisadi, ekoloji, sosial, etik, təhlükəsizlik və dayanıqlıqla bağlı real məhdudiyyətləri nəzərə almaqla, mövcud ehtiyacları ödəyən sistem, komponent və ya proses layihələndirməyi bacarmaq.

• COMPETENCY-10056

  Müxtəlif iş sistemlərini fərqləndirməyi və onların fəaliyyət səmərəliliyini ölçməyi bacarmaq.

• COMPETENCY-60348

  Məlumatların toplanması və təhlili üsullarını, həmçinin sənaye mühəndisliyində istifadə olunan ənənəvi qrafik metodları tətbiq etməyi bacarmaq.

• COMPETENCY-97958

  Qərar qəbuletmə prosesini təkmilləşdirmək məqsədilə riyazi modellər qurmağı, tənqidi düşünməyi və qərarvermə problemlərini obyektiv təhlil etməyi bacarmaq.

• COMPETENCY-18978

  Müxtəlif qərar qəbuletmə mühitlərinin xüsusiyyətlərini müəyyənləşdirməyi, hər bir mühitə uyğun qərar qəbuletmə yanaşma və vasitələrini seçməyi və tətbiq etməyi bacarmaq.

• COMPETENCY-71160

  Nəqliyyat və təyinetmə modellərini qurmağı və həll etməyi bacarmaq.

• COMPETENCY-61867

  Statistik prosesə nəzarət, proses və ölçmə sistemlərinin qabiliyyətinin təhlili üçün ən uyğun alət və metodları seçməyi və tətbiq etməyi bacarmaq.

• COMPETENCY-29980

  Proseslərin monitorinqi, proses və ölçmə sistemlərinin qabiliyyətinin qiymətləndirilməsi, eləcə də məhsul və proseslərin layihələndirilməsi üzrə keyfiyyətə nəzarət fəaliyyətlərini həyata keçirmək üçün məlumat toplamağı bacarmaq.

• COMPETENCY-90058

  Məhsulun inkişafının bütün mərhələlərində keyfiyyəti idarə etməyi bacarmaq.

• COMPETENCY-41622

  Tam istehsal müəssisəsi üçün mühəndislik üsullarından istifadə etməklə istehsalın və inventar ehtiyatlarının planlaşdırılması və idarə edilməsi sistemlərini, eləcə də istehsal qrafiklərini hazırlamağı və təhlil etməyi bacarmaq.

• COMPETENCY-46335

  İstehsalla bağlı problemlərin həlli üçün riyazi proqramlaşdırmanın əsas üsullarından və evristik yanaşmalardan istifadə etməyi bacarmaq.

• COMPETENCY-22982

  Məhsula olan tələbatı, mənfəəti, satış həcmini, material və istehsal gücü ehtiyaclarını proqnozlaşdırmaq üçün uyğun modelləri seçməyi və statistik vasitələrdən istifadə etməyi bacarmaq.

• COMPETENCY-82983

  Tam istehsal müəssisəsi üçün material tələbatının planlaşdırılması (MRP) və müəssisə resurslarının planlaşdırılması (ERP) sistemlərini layihələndirməyi, hazırlamağı və təhlil etməyi bacarmaq.

• COMPETENCY-90244

  Texnoloji proseslərdə axın sürəti və temperatur kimi parametrləri ölçmək və onlara nəzarət etmək üçün müvafiq ölçmə cihazlarını seçməyi və tətbiq etməyi bacarmaq.

• COMPETENCY-44588

  Sistem təhlili metodlarından istifadə etməklə müasir idarəetmə yanaşmalarını tətbiq etməyi bacarmaq.

• COMPETENCY-73080

  Obyektlərdən sensorlar vasitəsilə məlumat toplamağı, bu məlumatları emal və şərh edən PLC proqramları hazırlamağı, həmçinin məlumatlara uyğun idarəetmə siqnalları formalaşdırmağı bacarmaq.

• COMPETENCY-17500

  Çevik istehsal sistemlərini təhlil etməyi, müxtəlif istehsal sistemlərini və proseslərini müqayisə etməyi bacarmaq.

• COMPETENCY-48198

  Müəssisənin yerləşmə yerini və istehsal sahələrinin müəssisə daxilində optimal yerləşdirilməsini müəyyənləşdirmək üçün analitik metodlardan və müasir mühəndislik vasitələrindən istifadə etməyi bacarmaq.

• COMPETENCY-63586

  Standartlara və etik qaydalara uyğun olaraq müəssisənin planlaşdırılması layihəsi üzrə hesabat və sənədləri hazırlamağı, rəsmiləşdirməyi və təqdim etməyi bacarmaq.

• COMPETENCY-93625

  İstehsalın növünə uyğun olaraq mövcud fəaliyyət və resurslardan səmərəli istifadəni təmin edən qərarlar qəbul etməyi bacarmaq.

• COMPETENCY-78874

  Müxtəlif materialların daşınması və yüklənməsi üçün uyğun sistemləri seçməyi, layihələndirməyi və istifadə olunan vasitə və prinsiplər əsasında təhlil etməyi bacarmaq.

• COMPETENCY-62181

  Klassik sistem təhlili metodlarından istifadə etməyi və sistemlərin xüsusiyyətlərini araşdırmaq üçün uyğun modellər qurmağı bacarmaq.

• COMPETENCY-97272

  Əməyin mühafizəsi və təhlükəsizliyi ilə bağlı risklərin qarşısını almaq məqsədilə təlim, mühəndislik tədbirləri və nəzarət mexanizmlərini müəyyənləşdirməyi bacarmaq.

• COMPETENCY-47335

  Ölçmələrin dəqiqliyini və nəzarətin etibarlılığını təmin etmək üçün optimal standartları müəyyənləşdirməyi və tətbiq etməyi bacarmaq.

• COMPETENCY-55436

  Giriş məlumatlarını toplamağı və təhlil etməyi, modellərin uyğunluğunu və etibarlılığını yoxlamağı, model nəticələrinin statistik təhlilini aparmağı, həmçinin müxtəlif sistemlər üçün simulyasiya modelləri qurmağı və onların nəticələrini şərh etməyi bacarmaq.

• COMPETENCY-81825

  Məhsulların və texnoloji proseslərin ölçülə bilən və nəzarət edilə bilən parametrlərini müəyyənləşdirməyi bacarmaq.

• COMPETENCY-14503

  Potensialı qiymətləndirmək üçün zəruri işləri yerinə yetirməyi bacarmaq.