Faydalı qazıntı yataqlarının geologiyası

Fənnin təsviri

Fənn müxtəlif növ faydalı qazıntı yataqlarının əmələgəlmə şəraitini, geoloji quruluşunu, mineraloji və morfoloji xüsusiyyətlərini tədqiq edir. Yataqların kəşfiyyatı, onların sənaye əhəmiyyətinin və ehtiyatlarının qiymətləndirilməsi barədə fundamental nəzəri biliklər tələbələrə aşılanır. Magmatik, çökmə və metamorfik mənşəli yataqların təsnifatı, onların qlobal tektonik zonalarda paylanma qanunauyğunluqları incələnir. Tələbələr filiz kütlələrinin yatım şəraitini analiz etməklə, onların gələcək emal və metallurji istehsalata uyğunluğunu qiymətləndirməyi öyrənirlər.

Fənn təlim nəticələri

1. 1

   CLO 1: Tələbə bu fənn vasitəsilə faydalı qazıntı yataqlarının yaranma mənşəyini (genezisini), formalaşma şəraitini və onların geoloji-struktur xüsusiyyətlərini öyrənir. Kursun sonunda tələbə mineral yataqlarının təsnifatını aparmağı, filiz cisimlərinin morfoloji xüsusiyyətlərini təsvir etməyi və onların sənaye əhəmiyyətini qiymətləndirməyi bacarır. Fənn, yataqların axtarışı və kəşfiyyatı üçün zəruri olan geoloji məlumatların yığılması və təhlili metodlarını əhatə edir. Tələbə yatağın keyfiyyət və kəmiyyət göstəricilərini geoloji-iqtisadi baxımdan təhlil etmək imkanına yiyələnir. Beləliklə, tələbə mədənçıxarma layihələri üçün geoloji əsaslandırma bazasını tam şəkildə formalaşdırır.