Kimya mühəndisliyi laboratoriyası I

Fənnin təsviri

"Kimya mühəndisliyi laboratoriyası I" fənni üzvi və qeyri-üzvi maddələrin kimya texnologiyasının fundamental əsaslarını praktiki təcrübələrlə mənimsətməyi hədəfləyir. Fənnin əsas istiqamətlərinə daxildir: Yerli xammalın emalı: Azərbaycanın alunit və titanmaqnetit yataqlarından əldə olunan konsentratların emalı və onlardan sənaye əhəmiyyətli son məhsulların alınması texnologiyası. Müasir Analiz Metodları: Texnoloji proseslər zamanı alınan maddələrin tərkibinin müasir fiziki-kimyəvi laboratoriya üsulları ilə dəqiq təyini. Kursun məqsədi tələbələrdə həm nəzəri texnoloji bilikləri, həm də müasir laboratoriya cihazları ilə işləmək bacarıqlarını formalaşdırmaqdır.

Fənn təlim nəticələri

1. 1

   CLO 1: Kimya mühəndisliyi laboratoriyasında istifadə olunan avadanlıqları, cihazları və laboratoriya təhlükəsizliyi qaydalarını izah edir və düzgün tətbiq edir.

2. 2

   CLO 2: Üzvi və qeyri-üzvi maddələrin alınması və emalı ilə bağlı laboratoriya təcrübələrini müvafiq metodikalara uyğun yerinə yetirir.

3. 3

   CLO 3: Azərbaycanın alunit və titanmaqnetit yataqlarından alınan xammalın emalı proseslərini və bu proseslər nəticəsində əldə olunan məhsulların xüsusiyyətlərini təhlil edir.

4. 4

   CLO 4: Müasir fiziki-kimyəvi analiz metodlarından istifadə etməklə laboratoriyada alınan maddələrin keyfiyyət və kəmiyyət göstəricilərini müəyyən edir və nəticələri qiymətləndirir.

5. 5

   CLO 5: Laboratoriya təcrübələri zamanı əldə olunan eksperimental məlumatları emal edir, hesablamalar aparır və nəticələri elmi əsaslarla şərh edir.

6. 6

   CLO 6: Laboratoriya işlərinin nəticələrini texniki hesabat formasında təqdim edir və əldə olunan nəticələri kimya texnologiyası baxımından əsaslandırır.