Bakalavr proqramı
Biznesin idarə edilməsi
Proqram haqqında
1. Bakalavriat səviyyəsinin "050402 - Biznesin idarə edilməsi" ixtisası üzrə Təhsil Proqramı (bundan sonra ixtisas üzrə Təhsil Proqramı) "Təhsil haqqında" Azərbaycan Respublikasının Qanununa, Azərbaycan Respublikasının Nazirlər Kabinetinin müvafiq qərarlarına, eləcə də "Ali təhsilin bakalavriat (əsas (baza ali) tibb təhsili) səviyyəsi üzrə ixtisasların (proqramların) Təsnifatı"na uyğun hazırlanmışdır. 1.2. Təhsil Proqramının məqsədləri aşağıdakılardır: İxtisas üzrə məzunun kompetensiyalarını, ixtisasın çərçivəsini, fənlər üzrə təlim və öyrənmə metodlarını, qiymətləndirmə üsullarını, təlim nəticələrini, kadr hazırlığı aparmaq üçün infrastruktura və kadr potensialına olan tələbləri, tələbənin təcrübə keçmə, işə düzəlmə və təhsilini artırma imkanlarını müəyyənləşdirir; Tələbələri və işəgötürənləri məzunların əldə etdiyi bilik və bacarıqlar, eləcə də təlim nəticələri bərədə məlumatlandırmaq; Təhsil Proqramı üzrə kadr hazırlığının bu proqrama uyğunluğunun qiymətləndirilməsi zamanı bu prosesə cəlb olunan ekspertləri məlumatlandırmaq. 1.3. Təhsil Proqramı tabeliyindən, mülkiyyət növündən və təşkilati-hüquqi formasından asılı olmayaraq Azərbaycan Respublikasında fəaliyyət göstərən və "050402 - Biznesin idarə edilməsi" ixtisası üzrə bakalavr hazırlığını həyata keçirən bütün ali təhsil müəssisələri üçün məcburidir. 1.4. Tələbənin 5 (beş) günlük iş rejimində həftəlik auditoriya və auditoriyadankənar ümumi yükünün həcmi 45 saatdır (xüsusi təyinatlı ali təhsil müəssisələri istisna olmaqla). Həftəlik auditoriya saatlarının həcmi ümumi həftəlik yükün 50%-dən çox olmamalıdır. İxtisasın xüsusiyyətindən asılı olaraq həftəlik yükün həcmi dəyişdirilə bilər.
Dərəcə tələbləri
"050407 - Marketinq" ixtisası üzrə Təhsil Proqramı 240 (4 il) AKTS kreditindən ibarətdir. Kreditlər aşağıdakı şəkildə bölüşdürülür: • Ümumi fənlər: 30 1. Azərbaycan tarixi (bu fənn ən qədim dövrlərdən başlayaraq müasir dövrədək Azərbaycan xalqının keçdiyi tarixi inkişaf yolunun mərhələlərini ardıcıllıqla öyrənir) - 5 2. Azərbaycan dilində işgüzar və akademik kommunikasiya (Bu fənn cərçivəsində tələbələrə Azərbaycan dilində təqdimat etmək, natiqlik, akademik və işgüzar yazı bacarıqlarının aşılanmasına xüsusi diqqət yetirilir.)- 4 3. Xarici dildə işgüzar və akademik kommunikasiya (Bu fənn çərçivəsində tələbələrə ixtisası üzrə xarici dillərdən birində təqdimat etmək, natiqlik, akademik və işgüzar yazı, şifahi və yazılı bacarıqların aşılanmasına xüsusi diqqət yetirilməlidir) - 15 4. Seçmə fənlər (Seçmə fənlər ali təhsil müəssisəsi tərəfindən müəyyən edilir. İxtisasın spesifikasından asılı olaraq seçmə fənlərə əlavələr edilə bilər.) - 6 4.1. 3 kredit: • Fəlsəfə • Sosiologiya • Azərbaycan Respublikasının Konstitisiyası və hüququn əsasları • Məntiq • Etika • Multikulturalizmə giriş 4.2. 3 kredit: • İnformasiya texnologiyaları (ixtisas üzrə) • İnformasiyanın idarə edilməsi • Sahibkarlığın əsasları və biznesə giriş • Politoloqiya • İxtisas fənləri: 120 1. İqtisadiyyata giriş (Bu fənndə mühüm iqtisadi anlayışlar izah edilir, bazar iqtisadiyyatının ümumi xarakteristikası verilir və məhdud iqtisadi ehtiyatların səmərəli istifadə olunmasında bazar mexanizminin rolu müəyyənləşdirilir. İqtisadi subyeklərin qərar qəbul etməsini şərtləndirən prinsiplər açıqlanır.) - 6 2. Mikroiqtisadiyyat (İqtisad subyektlərin mənfəəti və faydasının maksimumlaşdırmaq baxımından davranışlarını öyrənir müvafiq bazar rəqabəti modellərindən ev təsərrüfatları və fırmaların qəbul etdikləri qərarları şərtləndirən amilləri təhlil edilir, iqtisadi ehtiyatların səmərəli istifadəsində bazar mexanizminin üsütünlükləri və çatışmazlıqları göstərilir.)- 10 3. Makroiqtisadiyyat (İqtisadi ehtiyatların bötövlükdə rasional istifadə edilməsi baxımından ölkədə dayanıqlı iqtisadi artımın və makroiqtisadi sabitliyin təmin edilməsi, iqtisadi ehtiyatların tam və səmərəli istifadə edilməsi, işsizliyin və inflyasiyanın minimumlaşdırılması, xarici iqtisadi əlaqələrin optimallaşdırılmasının nəzəri və praktiki məsələləri təhlil edilir.)- 10 4. Xətti cəbr və riyazi analiz ("Xətti cəbr və riyazi analiz" fənni "Xətti cəbr" və "Riyazi analiz" bölmələrindən ibarətdir. "Xətti cəbr" xətti tənliklər, xətti fəza, xətti çevirmə kimi xətti təbiətə malik obyektləri, "Riyazi analiz" isə diferensial, integral hesabının köməkliyi ilə funksiya və dəyişən kəmiyyətləri öyrənir.)- 8 5. Ehtimal nəzəriyyəsi və riyasi statistika ("Ehtimal nəzəriyyəsi" 9 təsadüfi hadisələrin baş verməsinin riyazi qanunauyğunluqlarını, "Riyazi statistika" isə statistik qanunauyğunluqların müəyyən edilməsi məqsədi ilə məlumatın yığılmasının, emalının və müşahidələrin nəticələrinin interpretasiyasının riyazi üsullarını öyrənir.)- 8 6. İKT - baza komputer bilikləri (Bu fənn iqtisadi yönümdə təhsil alan gələcək mütəxəssislərə müasir informasiya proseslərinin həyata keçirlməsində istifadə olunan üsul və vasitələr haqqında geniş məlumat verir, iqtisadi proseslərin ayrılmaz tərkib hissəsi olan yeni informasiya və İnternet texnologiyaları üzrə müasir bilikləri aşılayır.) - 8 7. Statistika (Bu fənn keyfiyyətcə müəyyən edilmiş kütləvi sosial-iqtisadi hadisə və proseslərin kəmiyyət tərəfini, onların tərkibini, bölgüsünü, konkret məkan və zaman şəraitində mövcud qarşılıqlı asılılıqlarını qanunauyğunluqlarını öyrənir.)- 10 8. Ekonometrika (Bu fənn riyazi və statistik metod, modellərdən istifadə edərək iqtisadi obyektlərin və proseslərin spesifik kəmiyyət və keyfiyyət əlaqələrini öyrənir. )- 10 9. Menecment (Bu fənn menecmentin əsas funksiyalarını, menecerlərin rollarını, təşkilati quruluşları və onların hər birinin üstün və mənfi cəhətlərini, liderlik növlərini öyrənir, təşkilatlardakı qrup və komanda dinamikasını təşkilat mədəniyyətini, müxtəlifliyin faydalarını tədqiq edir. ) - 7 10. Biznesin əsasları (Sahibkarlığın əsas iqtisadi-hüquqi institutlarının öyrənilməsi, biznes-planlaşdırmanın əsas aspektlərinin mənimsənilməsi və sahibkarlıq niyyətinin işlənilməsi, sosial-iqtisadi alətlərin sahibkarlıqda fəal surətdə istifadə olunmasını öyrənir) - 6 11. Təşkilati davranış (Bu fənnin öyrənilməsi nəticəsində tələbə təşkilati davranışın əsas məqsədini və elmi əsaslarını müzakirə edə biləcək və təşkilati dəyişiklik və inkişaf strategiyalarını hazırlamağı bacaracaqdır. )- 4 12. İnsan resurslarının idarə edilməsi (Bu fənn "İnsan resurslarının idarəedilməsinin", onun məqsəd və hədəflərinin nə olduğunu, yüksək ixtisaslı kadrların müəssisəsəyə necə cəlb edilməsini, seçim prosesinin necə aparılmasını öyrənir müəssisədə performans qiymətləndirilməsi, karyeranın idarəedilməsi, motivasiya vs. kimi funksiyaların işləmə prinsiplərini tədqiq edir.)- 4 13. Marketinq (Bu fənn sayəsində tələbə marketinqin tərifi, marketinqə aid ilkin anlayışların formalaşması, marketinqin mühiti haqqında biliklərin toplanması ilə yanaşı Bazarın seqmentasiyası, bazar bilgi sistemləri, marketing miks haqqında biliklərə və tətbiqlərə yiyələnmək haqqında biliklər əldə edə biləcək. ) – 6 14. Maliyyə uçotu (Bu fənn şərçivəsində tələbələrə mühasibatın əsas prinsipləri, ikili yazılış qaydaları aşılanmaqla yanaşı, iqtisadi amillərin və hadisələrin müəssisənin maliyyə cədvəllərinə təsirləri izah olunur.)– 6 15. Əməliyyatların idarə edilməsi (Bu fənn əməliyyatların planlanmasını, tədarük zənciri və logistika proseslərinin planlaşdırılması və idarə olunmasını və bu proseslərlə əlaqəli informasiya texnologiyalarından istifadə edilməsini öyrənir, istehsalçı və ticarət şirkətlərinin beynəlxalq əlaqələrini yaratmaq və bu əlaqələri qorumaq üçün hansı bilik və bacarıqlara sahib olunmasını tədqiq edir.)– 4 16. Biznes strategiyası (Bu fənnin öyrənilməsi nəticəsində tələbə strateji idarəetmə ilə əlaqədar əlaqədar əsas termin və anlayışları (strategiya, missiya, viziya, məqsəd, politika və s.) öyrənərək, şirkətin strategiyasının təməlləri olan xarici (makro mühit, sektor mühiti və əsas rəqiblərlə əlaqədar şirkəti gözləyən fürsət və təhlükələr) və daxili (şirkətin rəqiblərlə müqayisədə güclü və zəif yönləri) mühit faktorlarının izlənməsi, qiymətləndirilməsi və strategiya hazırlanmasında istifadəsini metodlarını (EFE və IFE matrisləri, dəyər zinciri analizi) öyrənəcək. )– 4 17. Beynəlxalq biznes (Malların, xidmətlərin, texnologiyaların, kapitakln və/və yaxud biliklərin milli sərhədlər vasitəsilə milli və yaxud transmilli miqyasda ticarət olunmasını və çox milli müəssisələrin beynəlmiləlləşməsi prosesini öyrənir)– 6 18. Mülki müdafiə (Bu fənn çərçivəsində müxtəlif qlobal FH-rın sürətlə artdığı müasir dövrdə insanın ətraf mühitində təhlükəsizliyinə və sağlamlığının qorunmasına yönəldilmiş qaydalar tədris olunur. )- 3 • Ali təhsil müəssisəsi tərəfindən müəyyən edilən fənlər (Burada olan fənlər hər bir ali təhsil müəssisəsi tərəfindən fərdi qaydada müəyyən edilir və həmin ixtisasın tədris planında əksini tapır). - 60 • Təcrübə: 30 1. Karyera planlaması - 5 2. Yumşaq bacarıqlar (Soft skills) - 9 3. Sərt bacarıqlar (Hard skills) - 10 4. İstehsalat təcrübəsi / layihə - 6
Proqramı araşdırın
Fənn nəticələri
Hər fənn üzrə təlim nəticələri
Səriştə matrisi
Fənlərin səriştələrə töhfəsi