Sənaye cihazları

Description

“sənaye cihazları” fənni 050604-“cihaz mühəndisliyi” ixtisası üzrə bakalavriat səviyyəsində təhsil alan tələbələr üçün tədris olunan ixtisasın peşə hazırlığı fənlərinə aid edilir. fənnin tədrisində əsas məqsəd bakalavrları sənaye müəssisələrində məmulun istehsalı, yığımı, nəzarəti, sınağı və istismarı proseslərində tətbiq edilən müxtəlif sənaye cihazları barəsində peşəkar biliklərlə təmin etməkdir. kurs çərçivəsində tələbələrə sənaye cihazlarının və avtomatlaşdırma vasitələrinin dövlət sistemi, həmçinin temperatur, təzyiq, sərf, səviyyə, mexaniki və elektrik enerji kəmiyyətlərinin ölçülməsi prinsipləri öyrədilir. tələbələr həmçinin qazların və mayelərin kimyəvi tərkibinə nəzarət edən xromatoqraflar, kütlə spektrometrləri, eləcə də ikinci dərəcəli analoq və rəqəmsal göstəricili cihazların iş xüsusiyyətlərini mənimsəyirlər. proqramın mühüm tərkib hissəsi kimi elektrik, pnevmatik və hidravlik tənzimləyicilərin, icra mexanizmlərinin və müasir informasiya-ölçmə sistemlərinin nəzəri-təcrübi əsasları dərindən tədris olunur.

Course learning outcomes

1. 1

   CLO 1: Ftn 1 (sənaye cihazlarının və dövlət sisteminin təhlili): sənaye cihazlarının və avtomatlaşdırma vasitələrinin dövlət sistemini, onların təsnifatını, iş prinsiplərini və informasiyaalma vasitələrini təhlil etmək.

2. 2

   CLO 2: Ftn 2 (fiziki kəmiyyətlərin ölçülməsi və cihaz seçimi): i̇stehsalatda müxtəlif fiziki kəmiyyətlərin ölçülməsi üçün nəzərdə tutulmuş sənaye cihazlarından istifadə etmək və tələb olunan parametrlərə uyğun cihazları doğru seçmək.

3. 3

   CLO 3: Ftn 3 (keyfiyyət və etibarlılığın təmini): məhsulun istehsal, yığım, nəzarət, sınaq və istismar proseslərində keyfiyyətin və etibarlılığın yüksəldilməsini təmin edən nəzarət-ölçmə cihazlarını tətbiq etmək.

4. 4

   CLO 4: Ftn 4 (sənaye cihazlarının layihələndirilməsi və yaradılması): cihazqayırma, müdafiə və tibbi sənaye kimi sahələr üçün yeni sənaye cihazı nümunələrinin layihələndirilməsi və işlənməsi prinsiplərini mənimsəmək.

5. 5

   CLO 5: Ftn 5 (i̇stismar, təmir və bərpa proseslərinin idarə edilməsi): sənaye cihazlarının istismarı, texniki xidməti, təmiri və bərpa olunması proseslərinin nəzəri və təcrübi əsaslarını müstəqil mühəndislik fəaliyyətində tətbiq etmək.