Fənn · Maşın mühəndisliyi (master)
Maşınqayırmada texnoloji proseslərin optimallaşdırılması
Fənn haqqında
Kredit
6
İş yükü
180saat
Semestr
Payız
Tədris ili
2025-2026
Fənnin təsviri
“Maşınqayırmada texnoloji proseslərin optimallaşdırılması” fənni 7006004 – “Cihaz mühəndisliyi” ixtisasının müvafiq ixtisaslaşmaları üzrə magistratura səviyyəsində təhsil alan tələbələr üçün tədris olunur. Fənnin əsas məqsədi magistrantlarda maşınların istehsalı texnoloji proseslərinin layihələndirilməsində optimallaşdırma üsullarının səmərəli tətbiqi üçün nəzərdə tutulan nəzəri əsasları və modelləşdirmə vərdişlərini formalaşdırmaqdır. Kursun proqramı çərçivəsində optimallaşdırma metodologiyası, riyazi modellərin strukturu, kəsmə prosesinin struktur modellərinin araşdırılması və kəsici alətlərin itilənməsi texnologiyası kimi mühüm mövzular ətraflı şəkildə tədris edilir. Təlim prosesi tələbələrə texnoloji proseslərə təsir edən amillərin aprior analizini aparmağı, əsas giriş-çıxış parametrlərini ayırd etməyi, eləcə də məhdudiyyətlər sistemini və məqsəd funksiyasını sərbəst tərtib etməyi öyrədir. Fənnin mənimsənilməsi nəticəsində magistrantlar optimallaşdırma proseslərinin idarəetmə metodlarını dərindən bilməli və qərarqəbuletmə prosedurlarını təhlil etməyi bacarmalıdırlar. Sonda məzunlar texnoloji proseslərin parametrik, struktur və funksional optimallaşdırılmasını yerinə yetirmək üçün zəruri olan riyazi modellərin işlənilməsi bacarığına və elmi-tədqiqat metodologiyasına tam yiyələnirlər.
Fənn təlim nəticələri
Təlim nəticəsi əlavə edilməyib.