Nüfuzetmə sınaqlarının əsasları

Fənnin təsviri

Bu fənn informasiya sistemlərinin, kompüter şəbəkələrinin və veb tətbiqlərin təhlükəsizlik səviyyəsinin qiymətləndirilməsi məqsədilə nüfuzetmə sınaqlarının nəzəri əsaslarını, metodologiyalarını və praktiki tətbiq üsullarını əhatə edir. Fənn çərçivəsində nüfuzetmə sınaqlarının mərhələləri, əhatə dairəsinin müəyyənləşdirilməsi, məlumatların toplanması, aktivlərin və açıq portların aşkarlanması, zəifliklərin müəyyən edilməsi və risklərin qiymətləndirilməsi öyrənilir. Həmçinin şəbəkə, veb tətbiq və əməliyyat sistemi səviyyəsində təhlükəsizlik testlərinin aparılması, zəifliklərin təhlükəsiz şəkildə yoxlanılması, nəticələrin təhlili və texniki hesabatların hazırlanması məsələləri araşdırılır. Tələbələr etik hakerlik prinsipləri, hüquqi tələblər, sınaqların yalnız müvafiq icazə əsasında aparılması və aşkar edilmiş zəifliklərin aradan qaldırılması üzrə praktiki bilik və bacarıqlar əldə edirlər.

Fənn təlim nəticələri

1. 1

   CLO 1: Nüfuzetmə sınaqlarının növlərini, mərhələlərini və hüquqi-etik çərçivəsini izah edir.

2. 2

   CLO 2: Açıq mənbələrdən və aktiv skan vasitələrindən istifadə edərək hədəf sistem haqqında məlumat toplayır.

3. 3

   CLO 3: Aşkar edilmiş zəiflikləri təhlil edir və CVSS əsasında prioritetləşdirir.

4. 4

   CLO 4: Nəzarət olunan laboratoriya mühitində zəiflikləri istismar edir və imtiyazları yüksəldir.

5. 5

   CLO 5: Sınağın nəticələrini peşəkar hesabat şəklində tərtib edir və təqdim edir.