Rəqəmsal siqnal emalıSillabus

Fənn kodu

MS-1202

Kredit

6

Tələbənin iş yükü

0

Semestr

Payız semestri

Akademik il

2026-2027

Fənnin tipi

Məcburi

Təhsil forması

Əyani

Tədris dili

Azərbaycan

Auditoriyadaxili saatlar

a) 30 saat – mühazirə b) 45 saat – seminar

Auditoriyadan kənar saatlar

a) 10 saat – sərbəst iş b) 125 saat – layihə işi və ya məsləhət saatı və s.

“Rəqəmsal siqnal emalı” fənninin deskripsiyası “Rəqəmsal siqnal emalı” fənni analoq siqnalların rəqəmsal formaya çevrilməsi, rəqəmsal siqnalların kompüter və xüsusi prosessorlar vasitəsilə emalı, təhlili və faydalı informasiyanın əldə edilməsi üsullarını öyrənir.

• mühazirə
• layihə əsaslı öyrənmə
• interaktiv müzakirə
• problem-based learning
• komanda işi
• seminar
• case study
• təqdimatlar

Təlim nəticəsi əlavə edilməyib.

1. 1.
   Giriş. Siqnalların təhlili. Əsas anlayışlar və müddəalarMühazirə

   Siqnal anlayışı, siqnalların əsas parametrləri, zaman və tezlik oblastlarında təsviri, həmçinin siqnalların təhlilinin əsas prinsipləri öyrənilir.

2. 2.
   Siqnalların təsnifatı. Determinik və təsadüfi siqnallar, onların Matlab funksiyasıMühazirə

   Siqnalların determinik və təsadüfi, fasiləsiz və diskret, periodik və qeyri-periodik kimi təsnifatları və MATLAB mühitində onların modelləşdirilməsi öyrənilir.

3. 3.
   Siqnalların enerjisiMühazirə

   Siqnalların enerji anlayışı, enerji siqnallarının əsas xüsusiyyətləri və siqnal enerjisinin riyazi olaraq hesablanması üsulları araşdırılır.

4. 4.
   Analoq siqnalların rəqəmli siqnallara çevrilməsi prosesi. Analoq və diskret siqnallar. Kvantlamanın növləriMühazirə

   Analoq siqnalın diskretləşdirilməsi, nümunələmə, kvantlama və kodlaşdırma mərhələləri, kvantlamanın əsas növləri və diskret siqnalların xüsusiyyətləri öyrənilir.

5. 5.
   Siqnalların gücüMühazirə

   Siqnalın orta gücü, ani gücü və güc siqnallarının xüsusiyyətləri, həmçinin müxtəlif siqnallar üçün gücün hesablanması üsulları öyrənilir.

6. 6.
   Siqnalların analoq və rəqəmli emalında Furye sırası. Siqnalların analoq və rəqəmli emalında Furye çevirmələriMühazirə

   Periodik siqnalların Furye sırasına ayrılması, Furye çevirməsinin mahiyyəti və analoq-rəqəmli siqnal emalında tezlik spektrinin təhlili öyrənilir.

7. 7.
   Təsadüfi siqnalların ehtimal-zaman xarakteristikaları. Təsadüfi siqnalların ədədi xarakteristikalarıMühazirə

   Təsadüfi siqnalların zaman üzrə davranışı, riyazi gözləmə, dispersiya, orta kvadratik qiymət və digər ədədi xarakteristikaları öyrənilir.

8. 8.
   Analoq modulyasiya prosesi və emalıMühazirə

   Analoq modulyasiyanın mahiyyəti, amplitud, tezlik və faza modulyasiyası, modullaşdırıcı və modullaşmış siqnalların xüsusiyyətləri və demodulyasiya üsulları öyrənilir.

9. 9.
   Fasiləsiz təsadüfi siqnalların ehtimal paylanma funksiyaları. Fasiləsiz təsadüfi siqnalların ehtimal-ehtimal xarakteristikalarıMühazirə

   Fasiləsiz təsadüfi kəmiyyətlərin ehtimal paylanması, paylanma funksiyası, sıxlıq funksiyası və əsas ehtimal xarakteristikaları araşdırılır.

10. 10.
    Modullanmış siqnalların spektral analiziMühazirə

    Modullaşmış siqnalların tezlik spektri, daşıyıcı və yan zolaqlar, spektral komponentlər və onların MATLAB vasitəsilə təhlili öyrənilir.

11. 11.
    Diskret təsadüfi siqnalların ehtimal paylanma funksiyalarıMühazirə

    Diskret təsadüfi siqnalların mümkün qiymətləri, ehtimal kütlə funksiyası, paylanma funksiyası və onların əsas statistik xüsusiyyətləri öyrənilir.

12. 12.
    Analoq sistemlərin təsnifatı. Xətti sistemlərin xarakteristikalarıMühazirə

    Analoq sistemlərin əsas təsnifatı, xətti və qeyri-xətti sistemlər, zamanla dəyişən və dəyişməyən sistemlər, həmçinin xətti sistemlərin əsas xarakteristikaları öyrənilir.

13. 13.
    Diskret sistemlərin təsnifatı və xarakteristikaları. Rəqəmli siqnalların informativ xarakteristikalarıMühazirə

    xarakteristikaları. Rəqəmli siqnalların informativ xarakteristikaları Diskret sistemlərin əsas növləri, giriş-çıxış münasibətləri, diskret siqnalların informativ parametrləri və onların emal xüsusiyyətləri araşdırılır.

14. 14.
    Rəqəm süzgəclərinin əsas xarakteristikaları və ötürmə funksiyalarıMühazirə

    Rəqəm süzgəclərinin təyinatı, amplitud-tezlik və faza-tezlik xarakteristikaları, impuls xarakteristikası, ötürmə funksiyası və əsas süzgəc parametrləri öyrənilir.

15. 15.
    Diskret xətti sistemlər. Düz və tərs Z-çevirmələri və onların əsas xüsusiyyətləriMühazirə

    Diskret xətti sistemlərin riyazi təsviri, Z-çevirməsinin mahiyyəti, düz və tərs Z-çevirmələri, qütb-sıfır təsviri və əsas xassələri öyrənilir.

Ədəbiyyat əlavə edilməyib.