Marketinqin idarə edilməsi

Description

Bu fənn tələbələrə müəssisələrin bazar mövqeyini möhkəmləndirmək, müştəri dəyəri yaratmaq və rəqabət üstünlüyü əldə etmək üçün marketinq strategiyalarının planlaşdırılması, tətbiqi və nəzarəti mexanizmlərini öyrətmək üçün nəzərdə tutulmuşdur. kurs çərçivəsində bazar imkanlarının təhlili, istehlakçı davranışlarının öyrənilməsi, rəqib analizi və bazarın seqmentləşdirilməsi (stp — segmentation, targeting, positioning) kimi konseptual əsaslar tədris olunur. tələbələr klassik və rəqəmsal marketinq miksinin (4p/7p — məhsul, qiymət, paylanma, təşviqat) idarə edilməsi, brend menecmenti, müştəri münasibətlərinin idarə olunması (crm) və marketinq büdcəsinin optimallaşdırılması prinsiplərini mənimsəyəcəklər. fənn real biznes keysləri və bazarlama strategiyaları vasitəsilə tələbələrdə strateji qərarqəbuletmə və marketinq fəaliyyətlərinin effektivliyini (roi) qiymətləndirmək bacarıqlarını formalaşdırır.

Course learning outcomes

1. 1

   CLO 1: Bazar imkanlarını və rəqabət mühitini qiymətləndirmək üçün situasiya təhlili (swot, pestel, 5 force) və müştəri seqmentasiyasını aparır.

2. 2

   CLO 2: Hədəf auditoriyasını (stp – segmentation, targeting, positioning) müəyyən edərək brendin bazarda fərqləndirici mövqeləndirmə strategiyasını tərtib edir.

3. 3

   CLO 3: Marketinq kompleksinin 4p/7p (məhsul, qiymət, paylanma, təşviqat) elementlərini inteqrasiya olunmuş strategiya şəklində planlaşdırır.

4. 4

   CLO 4: Rəqəmsal və ənənəvi kanallar üzrə marketinq kampaniyalarının effektivliyini və qaytarılma dərəcəsini (romi, cpa, clv) metrikalarla ölçür.

5. 5

   CLO 5: Bazar dəyişikliklərinə və istehlakçı davranışlarına uyğun olaraq strateji marketinq planı və büdcəsi hazırlayır.