Texniki xarici dil (ingilis)

Fənnin təsviri

Bu kurs mühəndislik, xüsusən də dağ-mədən və materialşünaslıq ixtisasları üzrə ingilis dilində akademik və peşəkar ünsiyyət bacarıqlarını inkişaf etdirir. Tələbələr sahəyə aid xüsusi texniki terminologiyanı mənimsəyir, elmi-texniki ədəbiyyatı sərbəst oxumaq və düzgün tərcümə etmək vərdişlərinə yiyələnirlər. Texniki hesabatların, spesifikasiyaların və elmi məqalələrin (məsələn, APA 7 formatında istinadların verilməsi) ingilis dilində yazılması və strukturlaşdırılması qaydaları dərindən öyrənilir. Beynəlxalq standartlarla işləmək, xarici elmi bazalardan ədəbiyyat icmalı toplamaq üçün zəruri olan dil bacarıqları formalaşdırılır.

Fənn təlim nəticələri

1. 1

   CLO 1: Bu fənn tələbəyə dağ-mədən və metallurgiya sahəsinə aid beynəlxalq terminologiyanı və texniki ədəbiyyatı sərbəst mənimsəmək imkanı yaradır. Kursun sonunda tələbə xarici dildə mühəndislik layihələrini oxumaq, anlamaq və müvafiq sahə üzrə texniki sənədləşmələri aparmaq bacarığı qazanır. Tələbə peşəkar fəaliyyətində xarici texniki mənbələrdən istifadə edərək innovasiyaları izləyə və beynəlxalq mühəndislik standartlarını tətbiq edə bilir. Fənn, şifahi və yazılı kommunikasiyanı inkişaf etdirərək tələbənin beynəlxalq layihələrdə və elmi konfranslarda iştirakını təmin edir. Nəticədə, tələbə texniki ingilis dilində öz sahəsi üzrə sərbəst fikir mübadiləsi aparmaq və texniki təqdimatlar hazırlamaq imkanına malik olur.